أحلى من ورد الدنيا

قرص مشبك

يمين بالله لا انا وانت فى يوم... نقدر

نعيش لحظة بشوق كداب أنا وانت...

هنعمل ثورة من تانى لكل كتاب يقلب

كل اوراقه ويعلن هفوه للعشاق ومين

مشتاق يعود لحبيبه من تانى ويشبك

حروف اسمه...

بحرف السين وحرف العين وكل حروف

بتمنع خوف يكون ذكرى يا إما يكون

معانا صحيح يا إما يسلم السلطة لأى

كتاب حروفه عاشقة للتشبيك

ورافضة يكون هناك مسافات

طرح القلوب

عيدان الصبح بتورق، ويتفرق

على الخدود الندى عنبر

ومين يقدر

يجافى عيونك الخضرا بطول النيل

صفصافة تغسل شعرها وتميل

افرد شراعك وعدى

من بدرى مادد فى يدى

حاضن خطاوى الليل

ومستنى

يطلع نهار قربك منى

ياريه المحياه

متزعليش منى

سيمفونية السعادة

صب الأمل

من بين شفايفك

ع الخلايق فى الطريق

البسمة ريق

متوازيان ولكن

جوة الحلم

قبل منك

كان وماله البدر لو غافل هلاله

وطل بدرى

ما انتظرشى

لما قطر العمر يمشى لمنتهاه

ياااااه على الأيام وياااااه

لما تدى فى وقت صعب

كنتى فين؟!!

جيتى نور

جيتى بدر

وجيتى ضى

شق عتمة ليل سئينى

وكان ما بينى وبين رصيف الحلم خطوة

وما اكتملشى

إليها

الظلال

ترعة العطف

عالمه صغير جدًا

ذهب الى البحر ليلقى فيه صنارته وأيضًا همومه، إن هذا المخلوق عجيب، كل شئ فيه لا ينتهى؛ أمواجه أسماكه امتداده، يسع لكل شئ حتى الشمس تسقط فيه عند الغروب ثم تخرج منه فى الصباح، فهل لو ألقى فيه همومه سيتسع لها؟

لولى القلب

يقولوا العشق يوم دولة

ويوم العشق مش دولة

فصلوا على النبى اولى

كمال البدر م المولى