الأرنب شكور.. ورشة حكي شعبية للأطفال بالمنوفية

اخر تحديث في 7/21/2022 2:43:00 PM

محمد إبراهيم

نفذت الهيئة العامة لقصور الثقافة بقيادة الفنان هشام عطوة، وضمن برنامج الإدارة المركزية للدراسات والبحوث برئاسة د. حنان موسى، ورشتي حكي لإدارة أطلس المأثورات الشعبية برئاسة د. الشيماء الصعيدي، أدتها المراسلة أماني مطاوع مجموعة أطلس المنوفية بقريتي الحامول والعامرة  بتاريخ 18-19 يولو 2022 بحضور عدد 28 طفل وطفلة من رواد الحضانات.

استهدفت ورشتي الحكي  تعليم الأطفال لصفات الحميدة من خلال الدروس المستفادة من الحكايات وتعليم الطفل التعبير عن النفس داخل مجتمعه والثقة والحرية فى التعبير عن ما يجول فى خاطره وذهنه، تم سرد حكايات شعبية اسعدت الاطفال ومنها (الأرنب شكور) وجاء فيها:
 
"كان ياما كان يا سعد يا إكرام، كان في أرنب اسمه أرنب شكور كل يوم ياكل خس وجزر وبرسيم، في يوم قال الأكل ده مش عاجبني  أنا هاروح أدور على أكل تاني أكله، وهو ماشي لقى البطة بطوطة كانت تاكل سمكة من البحيرة، قالها يا بطة يا بطوطة أنا باكل كل يوم خس وجزر وبرسيم وزهقت وعايز آكل زيك، راحت البطة جابت له سمكة من البحيرة علشان يأكلها، بس لما جه يأكلها معجبتهوش، وقال يع دي وحشة، البطة قالت له احمد ربك يا أرنب ياشكور،  مشي وسابها لقى العصفورة زقزوقة قالها أنت بتاكلي ايه قالتله توت قالها هاتيلي واحده لحسن زهقان من الخس والجزر والبرسيم طارت العصفورة وجابت له توتة ولما جه يأكلها قال يع دي طعمها وحش العصفورة قالت له احمد ربك يا أرنب  ياشكور، مشي الأرنب لقى الزرافة لقاها بتاكل تفاح طلب منها تفاحة ولما جابتها وجه يأكلها قال يع وحشة الزرافة قالت له احمد ربك ياشكور، ومشي لقى الثعلب المكار قال الثعلب يا أرنب انت بتدور على إيه قال له بدور على أكل تاني غير الأكل اللي باكله قاله تعالي معايا أنا عندي اكل حلو أوي هيعجبك تعالي ياحلو وحاول يهجم عليه وجرى الأرنب منه لحد ما وصل للمزرعة ولقى البط والفراخ وباقي الحيوانات هناك والتعلب فضل يلاحقه عشان ياكله طلب الأرنب من الحيوانات انها تطلع صوت عالي عشان يصحوا الفلاح  وصحي الفلاح وجرى ورا الثعلب خاف ومشي واتعلم الأرنب انه يرضي  بالأكل بتاعه ويحمد ربه ودايما يقول لنفسه احمد ربك ياشكور". توته توته خلصت الحدوتة التي تعزز قيمه الرضا َالقناعة وعدم النظر لما في يد الآخرين من نعم.

 يبرز استخدام القصص والحكايات ذات المحتوي الثقافي والتاريخي بورش الحكى الشعبى التي تقدمها الهيئة العامة لقصور الثقافة والتي تعطي الفرصة للأطفال بسرد حكاياتهم، وتم سرد بعض الحكايات أهمها دور الأم في تعليم وتوريث أبنائها وبناتها العادات والتقاليد والقيم الأخلاقية والاجتماعية والتي ظهرت أيضًا في القصص الشعبية مثل (بنت النجار، الامير المسحور، والصياد وعروسة البحر، وحبة الرمل السحرية، وحكاية الامير والكنز) والحكايات تعلم قيمة الامانة وحب الخير وانتصارالخير على الشر..