اخر تحديث في 1/1/0001 12:00:00 AM
الصفحة ارشيفية لمجلة الثقافة الجديدة
محمود فهمى
شدونى م المتاهات
ودونى جوه الأمس
خلونى أرجع طيف
لا خوف عليه ولا بأس
ردونى تانى خيال
على رصيف عين شمس
على رصيف مبلول
بالمطره والحواديت
على سطوح مفروش
بالشمس والكتاكيت
على جدار مسنود
بانده واقول خلاويص
كل العيال بتهيص
تنده تقول لسه
أهى خلصت القصه
وانا لسه باندههم
وكإن صوت عصافير
جايز نهار شقشق
فتحت عينى لقيت
كل الجدار شقق
حتى الطريق فاضى
يا بهجة الماضى
انا تهت ليه عنك؟